САД воведоа санкции за Нафтената индустрија на Србија

САД воведоа санкции против нафтената компанија „НИС“, соопшти американското Министерство за финансии.

На „црната листа“ се генералниот директор на „Росатом“ Алексеј Лихачев, директорот на „Гаспром Нефт“ Александар Дјуков, синот на косопственикот на „Лукоил“, милијардерот Вагит Алекперов, како и директорите на „Башнефт“ и „Зарубежнефт“.

Санкции беа воведени и за руските заменици министри за енергетика Маршавин и Шеремецев. Санкции се воведени и против 100 бродови вклучени во транспортот на руски енергетски производи, кои се поврзани со „Совкомфлот“, „Роснефт“ и „Гаспром Нефт“.

Како дел од новите ограничувања на рускиот енергетски сектор, САД наредија финансиските трансакции со „Гаспром Нефт“ и „Сургутнефтгас“ да бидат завршени до 27 февруари.