Чеченскиот лидер Рамзан Кадиров денеска ги обвини руските пратеници од соседните региони дека се обиделе да го нарачаат неговото убиство и се закани со крвна одмазда доколку не го докажат спротивното, објави денеска „Вечерња Москва“.
Кадиров ова го изјави за време на состанокот со припадниците на чеченските безбедносни служби, а снимка од средбата беше објавена на неговиот канал на Телеграм.
Тој ги именуваше сенаторот од Дагестан Сулејман Керимов, како и замениците на Државната дума Бекан Барахоев и Ризван Курбанов.
„Има сведоци, има луѓе од кои го нарачале убиството, прашале за колку може да се изврши наредбата.
Доколку не го докажат спротивното, официјално ќе им објавам крвна одмазда на Барахојев, Сулејман Каримов и Ризван Курбанов“, стои во преводот на неговите зборови изговорени на чеченски јазик во деветминутното видео објавено на Телеграм.
Во разговор со безбедносните службеници, чеченскиот лидер се осврнал и на обидот на некои сили да им дадат национална боја на фактите за пукањето во канцеларијата на компанијата „Вајлдберис“ во Москва, за да Чеченците, како што наведе, „да се појават како иницијатори на конфликтот“.
„Секој кој верува дека е можно секојдневно да се спротивставуваат на цели народи, длабоко се лаже. Мора да бидете одговорни за вашите зборови“, заклучил Кадиров.
Во седиштето на „Вајлдберис“ во деловниот центар Романов Двор, на 500 метри од Кремљ, на 18 септември дошло до размена на оган меѓу телохранителот Владислав Бакалчук и обезбедувањето на компанијата во сопственост на неговата сопруга и најбогатата Русинка Татјана Ким со која е во процес на развод. Во престрелката загинаа двајца обезбедувачи, 28-годишниот Ислам Елмурзијев и 41-годишниот Адам Алмазов.