8
Италијанскиот вицепремиер Матео Салвини ја критикуваше денешната најава на францускиот претседател Емануел Макрон за признавање на државата Палестина, велејќи дека тоа би било подарок за Хамас и исламските терористи.
„Прво, заложниците мора да бидат ослободени, а потоа организацијата што е признаена како терористичка организација на глобално ниво мора да биде разбиена“, рече Салвини за време на обиколката на работите на железничкиот проект во Фиренца, според италијанската новинска агенција АНСА.
„Како еднаш да разговаравме со Црвените бригади, исто е. Нема да давам подароци на исламски терористи“, додаде италијанскиот функционер.