САД не треба да менуваат режими, туку да соработуваат со сите земји, објави кандидат претседателот Берни Сандерс на предизборна средба во Мајами.
“САД не беа прави, кога се обидоа да упаднат во Куба, САД не беа во право, кога поддржуваа луѓе кои сакаа да ја соборат владата на Никарагва, САД не беа прави, обидувајќи се да го соборат пред 1954 година демократски избраната влада на Гватемала” посочи сенаторот од државата Вермонт, кој се бори да стане кандидат претседател на Демократската партија. Негова соперничка е поранешната прва дама Хилари Клинтон, која ја раководеше дипломатијата на САД во првиот мандат на претседателот Барак Обама (2008-2012 година) “Јас мислам продолжи Сандерс дека САД треба да работат со владите во светот, а не да учествуваат во промената на режимите. Патем, сите овие активности на Вашингтон во Латинска Америка предизвикаа таму силни антиамерикански чувства “. Сенаторот понатаму истакна дека “во целата историја на американските односи со Латинска Америка Вашингтон постапил според т.н. доктрина Монро, според која имал право да ги прави какви што сака” во овој регион. Доктрината Монро беше прогласена од петтиот претседател на САД Џејмс Монро во неговата годишна порака пред Конгресот во 1823 година. Со неа Вашингтон прогласи дека целата Јужна Америка е исклучителна зона на американските интереси. / ТАСС