Сара Џесика Паркер се има појавено во многу холивудски продукции, но една од најпознатите и по која најмногу ја паметат, е серијата „Сексот и градот“. За да им оддаде почит на своите обожаватели, актерката реши да ја понуди својата палата во Хемптонс за неверојатни 19,98 долари.
Одличните вести ќе го возбудат секој љубител на серијата.
Имотот се наоѓа на чекори од брегот во Амагансет, Лонг Ајленд. Од него имате директен пристап до некои од приватните плажи во околината.
Куќата е во стилот на 1940-тите и е уредена со големо внимание.
„Сакавме имотот да создава чувство како да сте дома. Затоа го опремивме во ретро стил и со многу љубов. Задниот двор е разноврсно место за уживање во летните зајдисонца, скари и забавни собири“, вели Сара Џесика Паркер.
Актерката со задоволство ги пречекува гостите во својот дом. Лансиран е на Booking и може да се резервира за две ноќевања – од 26 август до 28 август, за неверојатни 19,98 долари. Следните достапни датуми засега се непознати.
Самата Сара Џесика Паркер го сподели овој предлог на својот Инстаграм профил. Таа е уверена дека ќе уживате во одмор од соништата на едно од најелитните места во светот, пишува abc.es.
Куќата, опкружена со бујна градина, има три спални соби, дневна соба со камин, кујна и прекрасен двор. Ќе можете да ја истражите и нејзината возбудлива гардероба, која вклучува чевли дизајнирани од неа.
„Ја сакам идејата луѓето да уживаат во нашата куќа во Хемптонс кога ние не сме таму, па затоа додавањето на Booking.com не беше бесмислено“, додава актерката.