Се појавија сателитски фотографии од полуостровот Крим, на кои се гледа како на руски бродови наводно се товари украдено жито од Украина.
Фотографиите се направени од сателитската компанија „Maxar Technologies“, а се вели дека се направени на 19-ти и 21-ви мај.
На нив се гледаат два руски транспортни брода, „Матрос Позинич“ и „Матрос Кошка“, закотвени во пристаништето Севастопол, лоцирано на анектираниот полуостров Крим.
New satellite images from "Maxar Technologies" show stolen Ukrainian grain being loaded on Russian ships in Crimea.
There are two ships under the flag of Russia, docked and loaded with stolen Ukrainian grain in the port of the temporarily occupied Sevastopol pic.twitter.com/DtQRyCeQnM— SPRAVDI — Stratcom Centre (@StratcomCentre) May 24, 2022
Претседателката на Европската комисија, Урсула фон дер Лајен денес од Светскиот економски форум во Давос, Швајцарија, ја обвини Русија дека ги користи резервите на храна како оружје.
„Во Украина окупирана од Русија, армијата ги запленува резервите на жито. Руските воени бродови во Црното Море ги блокираат украинските бродови полни со пченица и семки од сончоглед“, рече Фон дер Лајен.