Кремљ не е запознаен со деталите за апсењето на службеникот на рускиот воен аташе, но се надева дека ќе ги зачува позитивните односи со Италија, изјави денеска портпаролот на руското претседателство, Дмитриј Песков.
– Сè уште немаме информации за причините или околностите на ова апсење. Во секој случај, се надеваме дека позитивната и конструктивна природа на руско-италијанските односи ќе бидат зачувани, рече Песков.
По истиот повод, се огласи и руското Министерство за надворешни работи кое наведе дека Москва работи на расветлување на протерувањето на двајцата руски дипломати од Италија и следните чекори.
– Жал ни е за протерувањето на двајцата членови на руската амбасада во Рим. Нашите можни потези ќе бидат објавени подоцна, се наведува во соопштението од Министерството.
Двајца дипломати беа протерани поради случај на шпионажа.