Ерменскиот претседател Армен Саркисијан денес вети дека ќе преземе мерки за намалување на тензиите во земјата и рече дека бара начини за мирно решавање на ситуацијата.
Тој ги повика сите политички сили и власти да постапуваат строго во рамките на уставот, пренесе ТАС С.
„Секој несовесен збор или постапка само ја зголемува напнатоста и ја влошува кризата“, истакна Саркисијан.
„Потврдувајќи ја улогата на институтот претседател како рамнотежна структура, преземам итни чекори за намалување на тензиите и барам начини за мирно решавање на ситуацијата“, рече ерменскиот претседател во изјавата издадена од неговата прес-служба.
Претходно денес, ерменскиот премиер Никол Пашинијан ги повика сите политички сили да престанат со сите активности на непослушност и се закани со апсења за несоодветните активности.
Претходно, Генералштабот на вооружените сили на Ерменија побара оставка од Пашинијан.
Тој тоа го нарече обид за воен удар, го смени началникот на Генералштабот и го покани народот на митинг.