Полицајците ја пронајдоа Шинејд О’Конор (56) „без знаци на живот“ во домот во југоисточен Лондон, но детективите не ја третираат ненадејната смрт на ѕвездата како сомнителна, беше откриено денес.
Скотланд Јард потврди дека ирската пејачка, најпозната по нејзиниот хит од 1990 година Nothing Compares 2 U, починала во британската престолнина во средата наутро – само неколку недели откако се вселила во нов стан и зборувала за новите песни и турнејата во 2024 година.
Полицијата била повикана во куќата во лондонската област SE24, која го покрива луксузниот Хил Херне и се наоѓа помеѓу Брикстон и Далвич.
Портпаролот на полицијата изјави:
„Полицијата била повикана во 11 часот и 18 минути, во средата, на 26 јули, за пријави за жена која била во несвест на адреса во областа СЕ24. Полицајците излегле на местото на повикот, каде што 56-годишната жена била прогласена за мртва на местото на несреќата. Нејзините блиски беа известени. Смртта не се третира како сомнителна“.
Сега се чека на обдукција за да се потврди причината за смртта на Шинејд.