Се огласи Зеленски за нападот на Крим: Чадот на мостот е доказ дека ниту едно злосторство на Русија нема да остане без одговор

Претседателот на Украина, Володимир Зеленски, изјави дека на мостот на Крим изгорела руска техника и дека чадот е доказ дека ниту едно злосторство на Русија нема да остане без одговор.

Секој уништен окупатор, целата запалена руска техника, пожарите во нивните штабови и магацини, чадот на мостот на Крим и не само тоа…Сето тоа е доказ дека нема да оставиме ниту едно злосторство на Русија без да возвратиме со одговор, рекол Зеленски во видео порака, пренесува Интерфакс Украина.

Руското Министерство за одбрана во саботата објави дека Украина се обидела да го нападне мостот на Крим со ракета С-200 со модифицирана верзија, но дека проектилот е соборен и дека нема штета.