Огромна дупка со дијаметар од околу 60 метри се појави во полето во мексиканскиот град Санта Марија Закатепек и се закани дека ќе „проголта“ блиска куќа.
Гувернерот на мексиканската сојузна држава Пуебла, Мигел Барбоса Хуерта, на прес-конференција рече дека дупката првпат се појавила во саботата и била длабока 20 метри.
Гувернерот додаде дека семејството што живеело во куќата покрај дупката е евакуирано и дека досега никој не е повреден.
Meksiko: Ogromna vrtača prečnika više od 60 metara pojavila se u Puebli
Na snimcima napravljenim u opštini Huan C. Bonilja, u meksičkoj državi Puebla, vidi se džinovska vrtača prečnika više od 60 metara i dubine 20 metara koja se iznenada i neobjašnjivo otvorila u polju. pic.twitter.com/phBJvJFtTH
— Sputnik Србијa (@rs_sputnik) June 5, 2021
Тој го предупредил локалното население да не се приближува до бездната.
„Дијаметарот на дупката првично беше пет метри, а во следните часови тој значително се зголеми“, рече Беатрис Манрике, министерка за заштита на животната средина во Пуебла.
Таа рече дека веруваат дека појавата на дупката се должи на две работи – обработка на почвата и испумпување на вода.
„Двете активности доведуваат до омекнување на почвата“, додала Манрике.
Група експерти од неколку јавни институции ќе го испитаат изгледот на дупката, а процесот ќе трае најмногу 30 дена.
Дупката првпат се појави во саботата и постојано се полни со вода.