Шпанското издание на CNET објави неколку фотографии направени со камерата Huawei P20. Како што е познато, идниот предводник на кинеската компанија ќе биде претставен на специјален настан во Париз на 27 март.
Од EXIF информациите се гледа дека сликите се сликани со модел со продукт код EML-AL00, кој припаѓа на Huawei P20. Самите слики кои се направени во студио со екстра осветлување, изгледаат импресивно и создаваат чувство дека се снимени со професионална камера, но не можеме да ги погледнеме во оригиналната резолуција.
Изданието објавува и три кадри кои биле споделени од страна на претставник на Huawei и во нив може да се види како се справува камерата на темно.
За сега е познато дека P20 ќе биде опремен со двојна камера со резолуција 16 мегапиксели на основниот сензор и бленда f / 1,6 и f / 2.4.
Од досегашните тизери на Huawei пак дознавме дека уредот ќе се презентира особено добро при намалена осветленост.