Повлекувањето готовина за купување станува сè попопуларно меѓу потрошувачите во Германија. Вкупниот обем на готовински плаќања минатата година порасна за добри 20 отсто на 12,31 милијарди евра, пренесува германската новинска агенција (dpa).
Плаќањето функционира така што клиентот плаќа со картичка на каса и потоа може да го побара износот што му е потребен во готово. Износот се додава на фискалната сметка и се одбива од банкарската сметка на потрошувачот.
Максималниот износ што може да се повлече обично е 200 евра.
Податоците во средата ги презентираше Институтот за истражување на пазарот EHI.
„Погодно е за клиентите бидејќи заштедуваат дополнително патување. Побарувачката исто така расте поради се помалиот број на банкомати“, вели авторот на студијата Хорст Ритер.
Трговските компании кои го практикуваат ова, вклучително и синџирите за малопродажба на храна Rewa и Edeka, аптеките како DM и Rossmann и некои продавници за градежен материјал и алати, враќаат повеќе од 13 отсто од заработените пари на клиентите, покажа истражувањето.
Со тоа што овој начин на пристап до готовина станува се почест, се зголемуваат и провизиите што компаниите треба да ги плаќаат на банките. Според податоците на EHI, тие изнесуваат меѓу 0,1 и 0,2 отсто од исплатениот износ по трансакција.
По тој основ, малопродажните субјекти лани платиле 17,23 милиони евра, што е за 25,7 отсто повеќе од 2022 година.