Извори блиски до Џастин Балдони открија за „Дејли меил“ дека актерот и неколку вработени во „The Agency Group“ (TAG) добиле бројни закани со смрт по поднесувањето на тужбата. Особено загрижува тоа што судските документи поднесени од правниот тим на Блејк Лајвли ги содржат приватните адреси на неколку публицисти вклучени во спорот, што ги става во дополнителен ризик.
„Морав да го известам училиштето на моето дете дека добивме смртни закани“, рече еден од оние што биле цел на нападот, не сакајќи јавно да биде идентификуван. „Дури и моравме да поставиме ограда за дополнителна безбедност.“
Ситуацијата е особено тешка за една вработена со две мали деца под четиригодишна возраст, која се плаши да го напушти својот дом поради големиот број закани. Адресите на приватни домови беа објавени во судски документи, а потоа споделени на социјалните медиуми, што резултираше со закани кон сите вработени во компанијата, како и кон нивните семејства.
Некои од заканите, до кои дојде „Дејли меил“, а кои можете да ги видите ТУКА, се исклучително вознемирувачки. Нејтан и Авел се нарекуваат „Хитлер“, а тимот е етикетиран како „терористичко зло“. Едната порака едноставно гласи: „Се надевам дека ќе умреш“, додека другата е-пошта е насловена како „Готово е со тебе“.
Изворот, исто така, наведува дека постои „голем бран на антисемитизам“ кон групата, а друг вработен се плаши за добросостојбата на своите постари родители, за кои се грижи.
Ситуацијата ескалираше уште повеќе минатата недела кога се случи палеж во семејната куќа на Стив Саровиц, кој заедно со Џастин Балдони е коосновач на филмското студио „Вејфарер“. Едуардо Арагон, 25, беше уапсен и обвинет за запалување на корпа за отпадоци во дворот на куќа вредна 1,8 милиони долари, откако се заканил дека ќе ја киднапира ќерката на Саровиц ако семејството не му предаде 80.000 долари во готово.
Во заканувачка порака, осомничениот напишал: „Ако сте спремни да потрошите сто милиони за да ги уништите животите на г-ѓа Лајвли и нејзиното семејство, сигурни сме дека можете да одвоите малку за вашата ќерка.“ ФБИ, во соработка со локалната полиција, успешно го идентификуваше и уапси осомничениот минатата недела.