СЕ ПОВЕЌЕ ОЛДТАЈМЕРИ НА ГЕРМАНСКИТЕ ПАТИШТА: Колку автомобилот треба да биде стар за да можете да го возите?

од Vladimir Zorba

На германските патишта има се повеќе олдтајмери. Според податоците на Федералната управа за моторни возила, на првиот ден од оваа година биле регистрирани 846.562, што е за 6,7 отсто повеќе од 12 месеци претходно, пренесува германската новинска агенција (dpa).

Повеќето од олдтајмерите, околу 750.000, се патнички автомобили. Тие беа за 6,9 отсто повеќе отколку на 1 јануари 2022 година.

Зошто автомобилите од 70-тите и 80-тите не завршуваат во отпад? Управата тоа го припишува на значително повисокото производство во тоа време, а денес, под услов да се во добра состојба, може да се регистрираат како „винтиџ автомобили“.

Според дефиницијата, возилото може да биде така регистрирано ако е старо најмалку 30 години, во технички и визуелно исправна состојба. Мора да биде што е можно поблиску до првобитната состојба.

Покрај автомобилите, олдтајмерите вклучуваат камиони (40.100), локомотиви и трактори (25.500) и мотоцикли (20.300).

Слични содржини