Се продава уникатен, но и најчудниот БМВ M6 на Балканот

од Vladimir Zorba

Еден сопственик на БМВ Серија 6 од Бугарија на eBay го понудил својот миленик, БМВ М6 од 2007 година, кој, според достапните информации, самиот го модифицирал до целосна непрепознатливост. Во светот на тјунинг, ова се нарекува „екстремно подесување“.

Тие два збора секако одговараат на оваа портокалова креација, бидејќи веќе не можете да заклучите дека всушност се работи за купе М6 на БМВ, ниту на прв ниту на некој следен поглед, пишува Јутарњи.

Рекламата вели дека тоа е уникатно ремек-дело од 507 КС со посебен изглед и боја. Сопственикот додаде и опис кој вели дека овој 17-годишен автомобил има нов 5.0 литарски V10 атмосферски S85 и рачен менувач, како и целосна историја на сервисирање.

Името на овој проект кој траеше четири години е „Цитрин“, а го осмислија Тодор Начев и Пламен Банов. Интересна е и бараната цена. Продавачот за тоа бара 460.000 долари, но наведува и дека е подготвен да преговара за пониска цена …

Слични содржини