Службите на Општина Центар, изминативе два дена изведуваат реконструкција на т.н лежечки полицајци на улицата „Орце Николов” во Дебар Маало. Старите бекатонки се отстрануваат, а на нивно место се поставува нов асфалт, со што улицата добива современ и уреден изглед.
Градоначалникот Горан Герасимовски потенцира дека оваа реконструкција е пример за тоа како со брза и ефикасна акција можеме да го подобриме секојдневието на граѓаните.
„Реконструкцијата на улицата Орце Николов со отстранување на оштетените бекатонки на старите лежечки полицајци и поставување нов асфалт значи подобрување на безбедноста и квалитетот на сообраќајот. Со оваа мерка се принудуваат возачите да ја намалат брзината, со што се намалува ризикот од несреќи и се штитат пешаците и учесниците во сообраќајот. Старите оштетени лежечки полицајци можеа да предизвикаат опасност во сообраќајот, како и оштетување на возила”, вели Герасимовски.