Откако Блејк Лајвли (37) го обвини Џастин Балдони (40) за сексуално вознемирување и, меѓу другото, тврдеше дека и покажува експлицитни фотографии и видеа од други жени, отворено зборува за порнографија и дава несоодветни коментари за нејзиниот изглед, во јавност излезе старо интервју во кое актерот зборува за својата опсесија и нездравиот однос со порнографијата, пишува „Дејли Мејл“.
„Се запознав со порнографијата кога имав 10 години“, рече тој во јули 2021 година за време на гостувањето во подкастот „A Life of Greatness“. Тој рече дека неговата средба со порнографијата се случила многу пред да може да има ерекција и дека не знаел како се чувствува за тоа.
„Знаете, беше како секој млад човек да гледа гради за прв пат – беше возбудливо затоа што нашето општество ги крие од нас затоа што се сексуализирани“, продолжи тој тогаш, додавајќи: „Ние ги сексуализиравме, па се разбира, тие стануваат фасцинантни и интересни“.
Тој исто така откри дека барал „засолниште во порнографијата“ кога се чувствувал сам, напуштен и осамен, бидејќи тогаш ќе имал, како што рече, наплив на допамин. „Често се враќав да гледам фотографии од голи жени кога се чувствував лошо за себе. Знаев дека станува проблем кога морам да си кажам дека не сакам повеќе да го правам тоа“, рекол тогаш.
Балдони изјавил дека го „тренирал“ својот мозок да управува со начинот на кој користи содржина за возрасни, но додал дека неговиот однос со порнографијата не бил ниту добар ниту нормален.
Потсетуваме, Блејк Лајвли изјави дека однесувањето на Балдони за време на снимањето на филмот It Ends with Us и предизвикало „сериозно емоционално страдање“. Во тужбата се наведува дека е одржан состанок за да се разгледаат тврдењата на Лајвли и нејзините барања да работи на филмот.
Таа бараше Балдони да престане да прикажува експлицитни видеа и фотографии пред неа, да престане да зборува за својата мината „зависност од порно“ и да престане да додава сцени од секс, орален секс или оргазми на камерата, освен во сценариото што таа го одобрила кога го потпишала договорот за проектот.
Според TMZ, во тужбата се наведува дека Sony Pictures, дистрибутерот на филмот, ги одобрил сите барања на Лајвли.