Вчера во Лондон се одржа премиерата на филмот Bridget Jones: Mad About the Boy. На црвениот тепих се појави и главната актерка Рене Зелвегер (55), која поттикна гласини дека се верила со еден детаљ.
Актерката на премиерата дојде во придружба на нејзиното момче Ант Анстед (45). Додека позирала за фотографите, Ант речиси цело време ја криела левата рака на Рене, а подоцна се видело дека прстенот на таа рака е завиткан, поради што многумина помислиле дека под тоа се крие веренички прстен.
Рене прошета на црвениот тепих во елегантен розов фустан без прерамки. Го спои и со потпетици во потемна нијанса, а освен прстен на показалецот од десната рака, не носеше никаков накит. Нејзиниот партнер бил облечен во темно кафеав костум, црна кошула и црни чевли.
Рене и Ант се во врска од 2021 година. Тие се запознаа на снимањето на неговата серија IOU Joyride, а набрзо и Ант ја потврди нивната врска објавувајќи заедничка фотографија на Инстаграм. Тие првпат беа фотографирани во јавноста во 2021 година на забава за автомобилската компанија „Радфорд моторс“, чиј основач е Ант.
Гласините за нивната свршувачка се шират веќе некое време. Извор близок до парот изјавил за Sun во јули 2023 година дека Рене само на својот најблизок круг на пријатели ја спомнала венчавката, која наводно ја планирале подолго време. Сепак, веридбата се уште не е потврдена.
Новиот филм од серијата Бриџит Џонс, Mad About the Boy, треба да биде премиерно прикажан во февруари оваа година. Гледачите повторно ќе можат да ја видат Зелвегер во главната улога, а ќе се врати и Хју Грант, кој не се појави во третиот филм и покрај тоа што неговиот лик Даниел Кливер беше дел од заплетот.
Снимањето на четвртиот дел предизвика бес кај многу познати личности. Имено, како што изјави добро информиран извор за британските медиуми, на познатите имиња како Рами Малек и Хари Стајлс не им се допаѓаат правилата за снимање бидејќи филмот се снима во близина на нивните домови.