1,2K
„Слуга на народот“, (Servant of the People) сатирична серија која ја започна политичката кариера на украинскиот претседател Володимир Зеленски, повторно е достапна за гледање на Нетфликс.
Серијата беше достапна на платформата за прв пат од 2017 до 2021 година, а челниците одлучија да ја вратат денес.
Од почетокот на руската инвазија, интересот за серијата вртоглаво се зголеми, а првата телевизиска куќа што ги купи правата за емитување, проценети на околу 1 милион евра, беше британската Канал 4.
Според нивните податоци, повеќе од 100.000 луѓе го гледале Зеленски во улогата во која денес се наоѓа.
Зеленски е во центарот на светското внимание и јавност откако Русија ја нападна Украина пред неколку недели.