Украинската манекенка Марија Ковалчук се уште е во болница во Дубаи, а лекарите нејзината состојба ја оценуваат како сериозна. Девојчето се уште не може да зборува по повредите здобиени на почетокот на март.
Да потсетиме, Марија Ковалчук беше пронајдена покрај патот во Дубаи со бројни скршеници на рацете, нозете и рбетот, додека лицето и беше покриено со модринки и гребаници. Официјалната верзија на локалните власти е дека паднала на градилиштето, додека постои и претпоставка дека се обидела да се самоубие. Меѓутоа, нејзиното семејство и пријателите ја отфрлаат оваа можност и веруваат дека била брутално претепана, а потоа напуштена.
Нејзините клиенти можеле да бидат вклучени во инцидентот. Непосредно пред исчезнувањето, Марија и рекла на мајка си дека оди на забава во хотел со нови познаници. Активистката за човекови права Екатерина Гордон истакнува дека во Емиратите за големи пари се можни и најразвратни забави, каде што девојките се мачени, силувани и малтретирани. Девојките кои учествуваат на вакви настани често добиваат милиони рубли.
Многу познати личности во Русија и Украина го коментираа овој случај и го кажаа својот став за целиот случај. Меѓутоа, во моментов се издвојува Сабина Агаларова, сестра на познат руски пејач, кој тврди дека Марија имала профил на сајтот за ескорт дами и раскажала што напишала Марија таму. Од една страна, Сабина сочувствува со Марија бидејќи никој не заслужил таков напад, но нагласува дека овој исход бил речиси неизбежен за некој кој брка лесен живот и брза заработка.
Повикувајќи се на наводната сметка на Марија, Сабина истакна дека девојката отворено ги одредувала цените за нејзините услуги и се согласила на се што ќе побараат клиентите, без разлика на бројот на учесници и видот на активноста.
„На сметката на девојката-придружничка, сите можни оргии и перверзии се наведени со знакот „плус“ – што значи дека се е дозволено, без ограничувања на бројот на луѓе и акции“, напиша Сабина на социјалните мрежи.
Таа додаде дека овој крај е речиси неизбежен.
„Тоа што беше пронајдена целосно скршена на патот е логична последица на нејзиниот животен избор! Таа се согласи на таков третман кон себе! Беше забавно, лесно, а парите доаѓаа! И сето тоа со поддршка на нејзината мајка! За мене ова е очекуван епилог”, истакна Сабина.
Меѓутоа, Марија во моментов не може ништо да каже. Неодамна ја имаше петтата операција и има уште најмалку две.