294
Северна Кореја изврши пробно лансирање на хиперсонична ракета, објави официјалната севернокорејска новинска агенција KCNA, што е прв таков тест во Северна Кореја оваа година.
Ракетата била истрелана во средата и превезувала хиперсонична боева глава која прецизно ја погодила целта на оддалеченост од 700 километри, соопшти агенцијата во четвртокот наутро според локално време.
Јужнокорејската и јапонската армија објавија претходно дека Северна Кореја вчера истрелала неидентификувана ракета во нејзините источни води.
Последното лансирање дојде откако севернокорејскиот лидер Ким Џонг Ун на конференцијата на владејачката партија минатата недела вети дека дополнително ќе ја зајакне својата воена способност.