Севернокорејските војници треба да пристигнат на украинска територија следниот месец за да ја поддржат Русија во војната, објави Пјонгјанг оваа недела, само неколку дена откако рускиот лидер Владимир Путин ја посети севернокорејската престолнина.
Станува збор за воена инженерска единица која најверојатно ќе работи во регионот на Доњецк.
По тој повод, двете земји потпишаа и договор со кој се обврзаа на взаемна воена помош во случај на војна или напад врз нивните земји, што севернокорејскиот лидер Ким Џонг Ун го искористи за испраќање војници во Европа.
Севернокорејските војници треба да пристигнат да им помогнат на Русите во Доњецк веќе во јули. Досега Северна Кореја веќе и помогна на Русија со речиси два милиони парчиња муниција, ракети за неколку ракетни системи и наводно неколку балистички ракети.
И покрај веќе добро познатата соработка меѓу овие двајца лидери, испраќањето војници може да биде нов чекор што може да доведе до ескалација на конфликтот.
Пентагон ја предупредува Северна Кореја да размисли двапати.
– Да бев на местото на военото раководство на Северна Кореја, би ги преиспитал своите одлуки за испраќање топовско месо во нелегалната војна против Украина. Ги видовме загубите што ги имаат руските сили, изјави портпаролот на Пентагон, Пет Рајдер.