Министерката Шахпаска на своето гостување на Топ Тема на ТВ Телма истакна дека дилемата за пресметката на растот на минималната плата е во толкувањето на законот.
„Податоците за критериумите ги земаме од Државниот завод за статистика. Процентуалната промена може да биде позитивен или негативен број. Ако ние одевме преку Собранието за толкување, ќе ни беа потребни минимум 3 месеци, затоа што таква е процедурата,“ истакна Шахпаска.
Таа посочи дека законот предвидува до крајот на март да биде усогласувањето, во спротивно ако идевме преку Собрание наместо преку ДЗС, немаше да има зголемување на минималната плата.
„Во текот на целата година со носењето на сите пакети со економски мерки сакавме да го задржиме секое работно место. Не сакаме да предизвикаме уште повеќе откази во ова време на пандемија и светска криза, тоа е наша одговорност и ова усогласување ја покажува грижата за работникот на дело,“ посочи Шахпаска.