252
Шефицата на шведската дипломатија Ен Линде денеска ги окарактеризира како дезинформации обвинувањата на Турција дека Шведска ја поддржува Курдистанската работничка партија (ПКК).
„Поради широко распространетите дезинформации за односите меѓу Шведска и ПКК, би сакале да ве потсетиме дека шведската влада на Олоф Палме, во 1984 година, веднаш по Турција, ја окарактеризира ПКК како терористичка организација и таа позиција останува непроменета“, објави Линде на Твитер, пренесува „Ројтерс“.
Турскиот претседател Реџеп Тајип Ердоган изјави вчера дека Шведска и Финска се кријат и финансираат „терористи“, повторувајќи го обвинувањето на Анкара дека двете земји ја поддржуваат ПКК и сириската курдска милиција (ИПГ), пренесува британската агенција.