Извршниот директор на Астон Мартин, Лоренс Строл, на тркалезната маса за медиумите пред неколку дена рече дека клиентите одговориле „лудо“ позитивно на ограниченото издание Valour, кое чини речиси 2 милиони евра.
Серијата од 110 автомобили произведени по повод 110 години Aston Martin се распродаде многу брзо, со дури 10 пати повеќе купувачи од понудените автомобили.
Моделот е инспириран од уникатниот Victor, кој сам по себе претставува почит на моделите на Aston од 1970-тите и 1980-тите, и е заснован на Vantage. Има V12 мотор со 715 КС и шестстепен мануелен менувач. Строл смета дека менувачот е голем дел од неговиот успех, пренесе Јутарњи.
„Целиот свет, наместо да оди на електричен погон, како што сите мислат, оди наназад и сака рачен менувач. Зборувам за љубителите на автомобили, љубителите на бензин“, прокоментира Строл.
Иако нивниот модел е огромен успех, не се очекува Aston да произведува автомобили со мануелен менувач во (релативно) голем број, но се чини дека компанијата мисли дека би можеле да имаат успех со рачни менувачи во некои поограничени серии. Строл, исто така, рече дека поставувањето на рачен менувач на Valor не е особено предизвик.
Автомобилската индустрија можеби оди во една насока, но Строл и Aston Martin мислат дека нивните клиенти сакаат традицијата да продолжи. Неодамна, компанијата потврди дека Aston Martin Vanquish би можел да се врати со нов V12 мотор и 835 КС.
„Тоа е сосема нов производ и тој мотор, барем на почетокот, ќе дојде само во нашиот топ модел што ќе го лансираме наесен“, рече Строл. „Нема да се појави во DB12 како што беше во DB11. Мислиме дека DB12 со 670 коњски сили е доволно силен за да ги одржува повеќето луѓе среќни“.
Сепак, Aston Martin не бега од електрификација. Хиперавтомобилот Vallhala ќе биде првиот plug-in на марката, а испораките треба да започнат до крајот на оваа година, а Aston исто така развива платформа за електрични возила со батерии. Нивниот прв целосно електричен автомобил ќе пристигне во 2026 година, а потоа ќе следат уште три модели, вклучувајќи некој вид хиперавтомобил.