Директорот на ФБИ се сомнева дека Доналд Трамп бил погоден со куршум за време на обид за атентат на митинг во Пенсилванија на почетокот на овој месец.
„Можеби е шрапнел“
Кристофер Вреј синоќа го информираше Конгресот за обидот за атентат врз Трамп во Батлер и ги изненади присутните со својата изјава.
„Во однос на поранешниот претседател Трамп, постои прашање дали куршум или шрапнел го погодил неговото уво“, рече Вреј, алудирајќи дека Трамп можеби бил погоден од шрапнел, а не од самиот куршум.
„Не знам сега дали тој куршум, освен што го изгреба, можеше да заврши на друго место“, додаде Вреј.
Вреј се осврна на безбедносните пропусти што му дозволија на вооружениот Томас Метју Крукс да отвори оган кон Трамп. За време на пукањето, Крукс (20) го уби пожарникар Кори Комператоре (50) и рани уште две лица, меѓу кои и Трамп.