Управата на нуклеарната централа Запорожје сега работи под закана од оружје, соопшти компанијата која управува со нуклеарната централа.
Петро Котин, шеф на државниот производител на нуклеарна енергија Енергоатом, изјави за Телеграм дека руските сили „влегле на територијата на нуклеарната централа, ја презеле контролата врз персоналот и управувањето со нуклеарната централа“, пишува Си-Ен-Ен.
„Управувањето со нуклеарната централа работи под закана од оружје“, рече Котин.
Тој рече дека вработените во утринските часови дошле да ги извршуваат работните обврски и дека биле пуштени во електрана. Тој рече дека компанијата нема „директна врска со нуклеарната централа“ и дека добива информации од тамошни извори.
Котин рече дека шест реактори во електраната имаат гориво во секој од нив, додека потрошеното нуклеарно гориво, озрачениот нуспроизвод на реакторот, се складира во предреакторските басени.
Тој посочи дека доколку се гранатираат нуклеарните капацитети „ќе доведат до нуклеарна катастрофа“.