Шерон Стоун пред магазинот „Rake“ повторно проговори за своето тешко детство, поминато во рурална Пенсилванија. Била тепана со каиш од нејзиниот татко, а сексуално злоставувана од дедо и – за тоа раскажува во својот бестселер „Убавината на живеењето двапати“.
Ѕвездата на „Примарен инстинкт“ била замолена да молчи за ужасите и малтретирањето во кои живееше и да биде „добро девојче“. Сега низ призмата на годините сфаќа колку ова било нездраво.
За тие болни спомени, таа се присети во разговорот на „Зум“ со тимот на магазинот, кој го направи од нејзиниот дом во Беверли Хилс, поранешната куќа на Монтгомери Клифт.
Од неа се очекуваше да биде совршена и да не се жали, да биде таа што ќе прави сè како што треба цело време, изјави Стоун.
Таа во својата книга пишува дека како дете била сексуално злоставувана од нејзиниот дедо, таткото на мајка и – Кларенс Лосон. Од него била силувана и нејзината сестра Кели. Двете девојчиња биле затворени од нивната баба, сопругата на Кларенс, кога останале кај нив. И нивната баба била силувана од нејзиниот сопруг.
Дедото на Стоун починал кога таа имала 14 години. За да се увери дека е навистина мртов, таа го притисна со прстот кон него додека тој лежел во ковчегот. „Во тој момент бев задоволна што се е готово“, признава актерката со највисок коефициент на интелигенција во Холивуд – 148.
„Сите овие тестови за интелигенција го натераа татко ми да помисли дека морам да бидам архитект. Да направам нешто за него, поради мојот изглед, беше ужасно“, рече таа.
Почнала да работи како модел во агенцијата „Форд“, каде што ја советувале да ослабе, да ја намали „селската тежина“. Потоа беше забележана за „Stardust Memories“ на Вуди Ален и така започна нејзината актерска кариера.
Шерон во своите мемоари зборуваше и за култната сцена со испрашувањето во „Примарен инстинкт“. Таа тврди дека не знаела дека препоните и се изложени бидејќи режисерите ја уверувале дека ништо нема да се види. Ми рекоа: „Не се гледа ништо – соблечи ја долната облека, бидејќи белата рефлектира светлина“ Кога ја гледала сцената, актерката му удрила шлаканица на Пол Верховен, а потоа веднаш го повикала својот адвокат.
На крајот, сцената останува во филмот бидејќи Стоун смета дека таа одговара на нејзиниот лик.