13
Шест лица се приведени во српската Палата на правдата под сомнение за сторено кривично дело подготовка на дело против уставниот поредок и безбедноста на Србија, пишува „Еуроњуз“.
По сослушувањето на осомничените, засега само едно лице доби домашен притвор. Станува збор за Стефан Томиќ, студент на Факултетот за физика, кој беше уапсен поради повикување на насилно уривање на уставниот поредок. За останатите треба да се донесе одлука дали добијат притвор или не.
Шестмината осомничени се товарат според член 320 од Кривичниот законик за планирање насилна промена на власта и напади врз државни функционери.