Познатиот англиски голгетер Алан Ширер и легендарниот француски напаѓач Тиери Анри се првите членови на новоформираната „Куќа на славните“ на Премиер лигата, објавено е на веб-страницата на елитното фудбалско друштво на Англија.
Ширер, поранешниот напаѓач на Блекбурн со кого ја освои титулата и Њукасл, е најдобар стрелец во Премиер лигата со 260 гола, на 441 натпревар, во 14-те сезони што ги играше во престижното натпреварување.
Анри пристигна во Премиер лигата, односно во Арсенал, во 1999 година од Јувентус, а за осум сезони во лондонскиот клуб, освои две титули, одигра 258 натпревари и постигна 175 голови. Тој исто така играше за „топџиите“ во својот втор мандат во сезоната 2012/13, пред да замине за САД.
Французинот е најдобар стрелец во историјата на Арсенал.
Уште 23 фудбалери се натпреваруваат за влез во „Куќата на славните“ оваа година, а шестмина ќе бидат избрани вечерва на каналот „Скај Спорт“ со гласовите на навивачите.
Two centre-forwards, both gifted with natural skill and talent who have written their names in Premier League history
We’re delighted to announce Alan Shearer and Thierry Henry as the first two inductees of the #PLHallOfFame pic.twitter.com/MAKgi3SYzV
— Premier League (@premierleague) April 26, 2021