Владимир Путин изјави дека нема да дозволи Западот да земе воена превласт над Русија. Дадена е задача да се зајакнува нуклеарниот потенцијал, да се развиваат вселенските сили, морнарицата и далечната авијација. Предвидено е да влезат во погон две нови нуклеарни подморници.
Русија сепак остро чувствува недостаток на развиен систем од бази, што ги загуби со распадот на Советскиот Сојуз. Токму овој недостаток се обиде да го компензира министерот за одбрана Сергеј Шојгу за време на латиноамериканската турнеја од 11 до 14 февруари, пишува Љубов Лјулко во “Правда”.
Шојгу во Латинска Америка
Тоа се знае, разговарано беше и за поблиска соработка во други воени сфери – оружени испораки, подготовка на специјалисти и тренинзи за заедничко дејствување при покривањето на евентуална агресија. Ќе потсетиме дека Венецуела, Никарагва и Куба влегуваат во левиот блок АЛБА, според кој империјализмот на САД е главна закана за легитимните влади во земјите членки и се стреми да ги смени со проамерикански режими.
Резултатите од посетите не беа објавени подетално – Шојгу подготвувал можеби неодамнешни посети на претседателот Путин во овие земји, кога ќе бидат склучени самите ефектни договори. Се дозна дека во Никарагва е потпишан меѓувладин договор за олесната постапка при влегување на руски бродови во локалните пристаништа, исто и договор за подготовка на воени специјалисти во Русија. Венецуела понуди “пријателски пристаништа” за руската флота, заеднички вежби, вклучувајќи престрелки со системи за рафален оган, и размена на слушатели меѓу војските. Во земјата може да се достават и авиони од воздухопловните сили на Русија.
На средба со кубанскиот лидер Раул Кастро Шојгу изјави дека “односите во воената сфера се развиваат конструктивно” и Русија “е благодарна на кубанската страна за пречекот на руски воени бродови и пловни објекти во пристаништето Хавана”. Го имаше предвид особено бродот за радиоелектронско разузнавање “Виктор Леонов”,кој “гостувал” според американските медиуми во Куба во јануари оваа година. И еднаш-два пати во 2014 година
Во Куба исто така беше договорена обука на локални специјалисти во Русија. Премногу важен момент, означува дека вооружените сили на Куба, Никарагва и Венецуела се врзуваат со Русија и технички, и во план на обука. Гледаме враќање кон советскиот систем за сојузничка воена соработка.
Оваа долгорочна стратегија несомнено ја обврзува Русија да им осигурува на сојузниците во Латинска Америка врвни оружја, вклучувајќи системи за воздушна одбрана, авиони, воени бродови.
Ова исто така било дискутирано во Никарагва, информира сајтот Defensa.com: “Москва ќе започне испораки на ракетни системи во Манагва во втората половина од 2016 година во рамките на пакетот предложен од Русија на Никарагва минатата година и реализиран во последните месеци” .
Да продолжиме: штом продаваме или сметаме да продадеме С-300 и С-400 на Пекинг и на Техеран, зошто да не го направиме истото за Манагва, Каракас и Хавана? Нели Бразил купи веќе три мобилни анти-авионски батерии “Панцир С-1” и две батерии преносни комплекси “Игла” во вкупна вредност 955 милиони долари.
Како што соопшти бразилското Министерство за одбрана, договорот за “Панцир С-1” се очекува во јули 2015 година Овие системи ќе ја бранат претседателската палата, најважните фабрики како “Embraer” – воздухопловни и одбранбени бази за подморници и поморските бродоградилишта “Итагуаи”, каде се гради првата бразилска нуклеарна подморница.
Руските вооружени сили се враќаат во регионот
Неслучајно армискиот генерал Валериј Герасимов, рече на 30 јануари во московскиот Национален центар за управување на одбраната дека федерацијата планира за првпат да преговара со воените сектори на Бразил, Виетнам, Куба и Северна Кореја за “серија на заеднички поморски и воздухопловни вежби, вежби на копнените и воздушно-десантните војски “.
Бразил е премногу важна за Русија со цел стратешко партнерство во рамките на БРИКС. Русија уште не може сама да се соочи со САД во Латинска Америка, но во рамките на блокот – сигурно.
Така смета и аргентинскиот политиколог Алберто Лопез Гирондо, водечки колумнист во весникот “Ревиста аксион”. Запрашан за коментар од “Правда”, тој рече дека Москва треба да развива соработка во регионот “, за да ги зајакне силните врски меѓу Русија, земјите од Латинска Америка и земјите од БРИКС во потрага по нови геополитички сценарија”.
Според политикологот впрочем обновата на базата “Лурдес” во Куба (база за радиоелектронско разузнавање во времето на ССС) е прерана во контекст на очекуваното обновување на преговорите меѓу Хавана и Вашингтон. “Барем додека преговорите не стигнат до напредок за прашања од интерес за Куба, на пример за укинување на трговското ембарго”, рече аналитичарот.
Лопез Гирондо не гледа причини да се зборува со оптимизам за зајакнување на руското влијание во Латинска Америка,а исто така не треба да се потпира на песимизам на американските експерти за безбедност во регионот – тие упатуваат сигнали дека влијанието на Русија се засилува, и ги потценуваат сопствените заштитни средства.
“Ова е сигнал за тревога, адресиран кон одбранбениот комплекс на САД”, објасни пред “Правда” експертот.
“Според мене (зајакнувањето на руското влијание во регионот) засега е тренд, но неповолен за САД – изјави за” Правда “Владимир Евсеев, директор на Центарот за социално-политички истражувања. – Латинска Америка силно очекува Русија да дојде во регионот. И се развиваат не само односите со Бразил, членка на БРИКС, но и со Аргентина. Русија создава таму алтернатива на САД. Ова е премногу важно за многу држави, бидејќи ако има алтернатива, тие се чувствуваат посигурни на меѓународната сцена. Едно е да бидеш сам , лице в лице со САД, тогаш е јасно дека Никарагва не може со ништо да се спротивстави на САД, но кога таму присуствуваат Русија и Кина, кои лобираат за интересите на Никарагва, Манагва може да се држи повеќе независно. Затоа е драгоцено ако не присуство, тогаш барем влијанието на Русија. ”
“Предвидено е во Никарагва да биде изграден нов канал, паралелен со Панамскиот”, додаде експертот. Тогаш руската Пацифик флота, вооружен со крстосувачки ракети со голем дострел, ќе може да излегува од Тихиот Океан во Атлантикот и да обезбеди т.н. Нуклеарно одвраќање.
“Кога овие бродови се наоѓаат во близина на Куба, територијата на САД делумно ќе биде достапна за стрелба по потреба. Зашто ова е нашиот одговор на САД поради распоредувањето на воени објекти крај руските граници”, рече Евсеев. Според него, доколку САД продолжат да градат по западните граници на Русија инфраструктура на НАТО, Русија ќе продолжат активностите на воениот објект “Лурдес” не само како центар за техничка интелигенција, но и “како аеродром за авиони од стратешката авијација, чија зона на дејство ќе ги опфаќа Соединетите Американски Држави “.
“САД се доста ранливи. Во таква ситуација ќе им се наметне да создаваат противракетна одбрана не откај Аљаска, туку да мислат како да ја заштитат при потреба Флорида, како да ги заштитуваат јужните држави, за што ќе им требаат огромни финансиски средства. Според мене тоа во крајот ќе убеди САД дека водат кратковида политика спрема Русија. И тогаш ќе може сигурно да побараме било какви компромиси. А надежите дека Куба ќе се фрли во прегратките на Американците, не се потврдени, бидејќи Кубанците веднаш рекоа: за почеток затворете ја воената база Гвантанамо, а потоа ќе зборуваме “, додаде политикологот.
Да одбележиме: колку повеќе солидна ќе е основата за пазарење и соодветна за компромиси, толку ќе се осигура Русија против можностите украинските настани да се повторат на пример во Казахстан или во Белорусија.