Германскиот канцелар Олаф Шолц денеска изјави дека мандатот на американскиот претседател Доналд Трамп ќе претставува предизвик за Европа, наведувајќи дека таа мора да остане силна во светот на големи промени.
Шолц им рече на новинарите во Париз, каде што се сретна со францускиот претседател Емануел Макрон, дека Европа мора да биде силна и издржлива во светот на големи промени, објави „Ројтерс“.
„Претседателот Трамп, тоа е веќе јасно, ќе претставува предизвик“, рече Шолц.
Макрон и Шолц денеска ќе разговараат и за Украина и економските прашања.
Во изјавите за новинарите пред работниот ручек во Елисејската палата, и Макрон и Шолц инсистираа дека Европа е силна и дека француско-германската алијанса е силна додека се очекуваат тешкотии.
Курц: Србија е на добар пат – Вучиќ е важен лидер на негова страна…
Двајцата европски лидери се сретнаа откако Доналд Трамп стана претседател на САД и се заканија дека ќе воведат санкции кон Европа, наведува Ројтерс.
Трамп во вторникот рече дека е многу лошо што Соединетите Држави имаат трговски дефицит со Европа, сугерирајќи дека тој може да се реши со воведување царини.
„Ниту Европа, ниту САД немаат интерес од ескалација на трговска војна“, рече портпаролката на француската влада Софи Прима, според Le Figaro.
Прима порача дека француско-германските односи мора многу брзо да се подобрат бидејќи тоа е во интерес на цела Европа, пренесува Танјуг.