Германскиот канцелар Олаф Шолц вели дека се противи на финансирање на Украина на сметка на домашните буџетски корисници, пренесува германската агенција за печат (dpa).
„Не се согласувам дека треба да го финансираме ова од пензии, со преземање од локалните заедници или со помалку инвестирање во железницата и патиштата“, рече Шолц во понеделникот вечерта на изборниот митинг во Билефелд.
„Треба да го финансираме вонредно“, рече тој.
Призна дека повеќе нема мнозинство во Бундестагот да ја суспендира т.н кочница за јавното задолжување. Ова е единствениот начин на кој владата би можела да се задолжи за да финансира помош за Украина и други проекти.
Коалицијата на Шолц се распадна на почетокот на ноември, а Германија оди на предвремени избори на 23-ти февруари.
Минатата недела, Шпигел објави дека Шолц набргу потоа го блокирал планот на министерката за надворешни работи Анален Баербок и министерот за одбрана Борис Писториус за давање поддршка на Украина за време на периодот на транзиција.
Двајцата предложија пакет вреден три милијарди евра што Бундестагот требаше да го усвои пред изборите.
„Ако сакате да направите нешто такво, прво треба да кажете од каде доаѓаат парите“, рече сега Шолц.