Шпанскиот суд нареди замрзнување на банкарската сметка на компанија која ја води Жерар Пике, додека истрагата трае за бизнис зделката за преместување на домашното натпреварување во Суперкупот во Саудиска Арабија.
Судот ги потврди извештаите на локалните медиуми дека истражниот судија Делија Родриго постапил по барањето на државниот обвинител за замрзнување на банкарска сметка на компанијата Космос, која ја основал и управувал Пике.
Шпанската полиција го уапси поранешниот претседател на Шпанската фудбалска асоцијација Луис Рубиалес претходно овој месец како дел од истрагата за корупција и активности за перење пари за време на неговиот мандат. Уште седум лица беа уапсени во март кога полицијата ги претресе канцелариите на Федерацијата во Мадрид и куќата на Рубиалес во Гранада.
Рубиалес го „пресели“ домаќинството на натпреварот од Суперкупот на Шпанија во Саудиска Арабија во 2020 година, со договор наводно вреден 40 милиони евра по турнир. Пике, кој во тоа време играше за Барселона и играше во Суперкупот на Шпанија, помогна да се заврши договорот преку неговата компанија Космос.
Државните обвинители започнаа истрага за договорот во 2022 година, откако беа обелоденети аудио снимки од разговори меѓу Рубиалес и Пике во врска со мито од милиони долари.
Во меѓувреме Пике се повлече од фудбалот, а доживеа бродолом и на приватен фронт бидејќи се разведе од колумбиската поп-ѕвезда – Шакира.
Космос се вклучи и во „реновирањето“ на тенискиот Дејвис куп, а лансираше и алтернативно фудбалско натпреварување – Кралската лига во Шпанија.