На списокот на гости за крунисувањето на кралот Чарлс, што се одржа во саботата, се најдоа бројни познати личности, великодостојници и членови на кралското семејство. Меѓутоа, во видеото кое почна да кружи на социјалните мрежи се појави многу сомнителен лик кој во никој случај не се очекуваше во Вестминстерската опатија.
Кралските фанови беа вчудоневидени кога видоа некој кој личеше на Смртта: маж облечен во долга црна наметка и качулка, кој носи долг стап кој изгледаше исто како косата што ја носи Смртта.
🇬🇧 CORONACIÓN DE CARLOS III 🇬🇧
Momento que ha desatado diversos comentarios tras la aparición de este "extraño" personaje en la Abadía de Westminster durante la coronación.
pic.twitter.com/swRdyAM5lW— Alerta News 24 (@AlertaNews24) May 7, 2023
На Твитер беше споделено видео од гардата на кралот како влегуваат во опатијата, а фигурата на „Смртта“ зад нив оди пред влезот на Вестминстерската опатија.
„Сан“ пишува дека најверојатно станува збор за член на свештенството облечен во свечена облека.