Актуелната канцеларка Ангела Меркел ги одбројува деновите до пензија. Иако објави дека се пензионира во 2018 година, кариерата ќе ја заврши дури кога ќе се формира нова влада во Германија. Како Меркел, по 16 години на чело на земјата и 30 години поминати во парламентот, ќе ги помине пензионерските денови?
За време на официјалната посета на Вашингтон во јули, новинарите ја прашаа канцеларката како таа ја замислува пензијата. Таа потоа истакна дека прво ќе направи пауза и нема да прифати никакви покани. Таа посочи дека во слободното време би сакала да размисли што навистина ја интересира, пишува Дојче веле.
„После тоа, можеби ќе се обидам да прочитам нешто, а потоа очите ќе почнат да ми се затвораат додека сум уморна, па ќе заспијам“, рече таа.
Ангела Меркел, која наполни 67 години на 17 јули, нема да мора да се грижи за финансиите. Канцеларката моментално заработува 25.000 евра месечно, а дополнително добива и 10.000 евра бидејќи е пратеник во Бундестагот. Таа таа работа ја работи повеќе од 30 години, пренесува Дојче веле.
Кога ќе престане да работи, Меркел ќе добие целосна плата уште три месеци, а потоа ќе добие половина за следните 21 месец. По тој период од 21 месец, надлежните служби ќе земат предвид различни активности – како канцеларка, поранешна министерка, пратеничка.
По најмалку четири години на функцијата, канцеларите имаат право на 27,4 проценти од нивната претходна плата, и со секој нареден мандат, таа сума расте, до максимум 71,75 проценти. Нејзината долга кариера во политиката треба да ѝ обезбеди одлична пензија од 15.000 евра месечно.
Покрај тоа, тааима право на лична обезбедување и службен автомобил со возач до крајот на животот. Таа има право на канцеларија во просториите на Бундестагот во Берлин, вклучувајќи го и кадар во канцеларијата, двајца советници и секретар.
Поранешните владини претставници се обврзани со закон да ја чуваат доверливоста. Но, дури и ако не им е дозволено да откријат никакви тајни, тие сепак се популарни во светот на бизнисот како консултанти, не само поради нивните политички контакти. Неколкумина претходници на Ангела Меркел се преселија во приватниот сектор.
Хелмут Шмит ја напушти канцеларијата во 1982 година, стана ко-издавач на неделниот весник „Die Zeit“ и беше популарен говорник. Во едно интервју во 2012 година, тој рече: „Си поставив правило да не одржувам предавање за помалку од 15.000 долари“.
Хелмут Кол основа компанија за политички и стратешки консултации и заработи многу добри пари како лобист и советник. Герхард Шредер создаде многу проблеми кога во 2005 година, само неколку месеци откако ја напушти власта, беше ангажиран од компанијата за гасоводот Северен тек 2, подружница на руски Гаспром.
Another “end of an era” Merkel moment: every year since she became chancellor, Angela Merkel came to the federal press centre -where we work as political correspondents- to answer reporters’ questions. Today was the last time. (Photo via @AlemaniaDiplo) pic.twitter.com/TVGrEAiyE0
— Thomas Sparrow (@Thomas_Sparrow) July 22, 2021
Во меѓувреме, беше донесен закон што поранешните владини претставници мора да прашаат пред да се преселат во приватниот сектор, дали „нивната работа го загрозува јавниот интерес“. Етичкиот комитет ја советува владата, која може да одреди период на чекање до 18 месеци.