138
Леново имаат силно присуство на кинескиот пазар, но компанијата во последните месеци вложува многу напор за да го прошири своето влијание и на европскиот континент. Компанијата сега закажа специјален настан што ќе се одржи на 23 март и на него се очекува да го видиме нејзиниот нов паметен телефон од висока класа. Предметниот уред се нарекува Вајб З3 Про и се очекува да понуди бројни подобрувања во споредба со својот претходник, пренесе Гсмарена.
Самиот модел е создаден за да го привлече вниманието на љубителите на фотографијата и ќе располага со 16-МП камера во задниот дел со оптичка стабилизација на сликата и ласерски автофокус. Уредот исто така се очекува да има и уште еден 8МП сензор за селфи фотки напред и ќе предложи 5.5-инчен дисплеј со КХД резолуција од 2560х1440 пиксели. Смартфонот ќе работи со Андроид 5.0.2 и ќе се напојува од моќен Снапдрагон 810 процесор на Куалком, кој е со осум јадра и е надополнета од 4ГБ РАМ.
Другите спецификации ќе вклучуваат Горила Глас 4 заштитно стакло, 32ГБ внатрешна меморија, поддршка за Блутут 4.0 иЛTE мрежи и батерија со капацитет од 3400 милиампер часови. Леново Вајб З3 Про ќе биде опремен со слот за две СИМ картички и ќе се појави како најдобар модел создаден досега од компанијата во овој сегмент на пазарот. Останува само да видиме по која ќе се продава уредот на европскиот пазар.