Намирниците и алкохолот станаа едни од најпопуларните барања за испорака во 2021 година – два тренда кои се родиле за време на пандемијата и најверојатно ќе останат долго потоа, според извештајот на Uber Eats споделен со Travel + Leisure.
Американците нарачуваат сè преку платформата на компанијата – од банани (производ број 1 за продажба во САД) до големи маргарити и различни парчиња White Claw (алкохолен пијалок).
Од аптеките и продавниците, како што е 7-Eleven, тие набавуваат практични предмети, како што се лекови за главоболка, комплети за само-тестирање за Ковид-19 и шејкови од малина Slurpee.
„Во изминатите дванаесет месеци, нашите клиенти се потпираа на Uber Eats за да нарачаат сендвичи, шрафцигери и сè друго“, изјави Лекси Левин Мичел, портпарол на Uber, за T + L.
„Знаеме дека нема ништо подобро од нарачката да ви биде испорачана токму онака како што сте ја замислиле – без разлика колку е уникатна. Значи, без разлика дали сакате лубеница со сенф или ви требаат хигиенски салфетки и млеко за бебиња, навистина можете да добиете сè со Uber Eats“.
Кога станува збор за ресторанска храна, корисниците на Uber Eats бараат удобност – помфритот со сирење се зголемува по популарност за повеќе од 1.234% во споредба со пред пандемијата.
Генерално, најпопуларен вид на храна е мексиканската кујна, а потоа следат хамбургерите, сендвичите и кинеската храна. Додека најпопуларните производи се помфритот (особено во петок), по нив следат Pad Thai и луков наан.
Изгледа дека пребирливоста на храна е зголемена во 2021 година – барањата како „без јајца“, „без халапењо“ и „без коријандер“ драстично скокнаа во последната година. Но, никаде ова не е почеста како во Конектикат, Њујорк, Њу Џерси, Илиноис и Џорџија, каде што клиентите најчесто додаваат посебни упатства на нивните нарачки.
Се разбира, нема недостиг од уникатни нарачки во 2021 година, вклучително и клиент кој сака многу специфичен дизајн на парфе од гранола и му кажува на ресторанот: „Се надевам дека сте возбудени затоа што ќе создадете ремек-дело“.
Друг сака храната да му биде толку зачинета што сака ресторанот „да го расплаче“.