Откако дознал дека има висок холестерол, поради што е изложен на ризик од миокарден инфаркт и мозочен удар, Арнолд Шварценегер радикално ги променил своите навики.
Познатиот кревач на тежина најпрво поработел на својата исхрана и почнал да консумира 80 проценти од времето храна од растителна основа. Со други зборови, најчесто е веган.
„Јас правам исклучок за виенската шницла“, откри тој.
Тој верува дека месото не е од суштинско значење за бодибилдингот.
„Тоа ми помогна да се чувствувам поздраво и помладо, како и да го намалам мојот лош ЛДЛ холестерол, кој е поврзан со поголем ризик од срцеви заболувања. Сега мојот холестерол е толку низок што мојот лекар вели дека има чувство како да сум поинаква личност.“ , забележува Шварценегер.
Одредена храна од животинско потекло, како што се масните парчиња месо, преработеното месо како сланината и виршлите и млечните производи како сирењето, се поврзани со повисоки нивоа на холестерол. Спротивно на тоа, зеленчукот, особено лиснатиот, и целозрнестата храна, бобинките и јаткастите плодови може да помогнат во намалувањето на холестеролот без лекови.
Вежбањето е исто така од суштинско значење за ефикасно управување со телесната тежина, крвниот притисок и холестеролот. Холивудската легенда и на 77 години вежба шест дена во неделата.