Актерот Арнолд Шварценегер апелираше до рускиот претседател Владимир Путин да „запре оваа војна“ и им порача на руските војници дека „ги жртвуваат своите животи во безумна војна која го осуди целиот свет“.
Шварценегер, најпознат по улогата во филмот „Терминатор“, на својот Твитер профил објави деветминутно видео во кое директно му се обраќа на рускиот претседател Владимир Путин.
„Го сакам рускиот народ. И затоа морам да ви ја кажам вистината“, напиша актерот во описот на видеото.
I love the Russian people. That is why I have to tell you the truth. Please watch and share. pic.twitter.com/6gyVRhgpFV
— Arnold (@Schwarzenegger) March 17, 2022
„Претседателе на Русија вие ја започнавте оваа војна. Вие ја водите оваа војна. Вие можете да ја запрете“, рече меѓу другото Шварценегер.