Шведската премиерка Магдалена Андерсон, сакајќи да ја добие поддршката од Турција за влезот на нејзината земја во НАТО, во понеделникот вети дека нема да дозволи Шведска да стане „засолниште за терористи“.
Турција ги блокираше напорите на Шведска и Финска да се приклучат на западната воена алијанса, обвинувајќи ги дека ги штитат непријателите на Анкара, вклучително и членовите на забранетата курдска милитантна група ПКК (Работничка партија на Курдистан).
Две историски неутрални нордиски земји аплицираа за влез во НАТО минатиот месец како одговор на руската инвазија на Украина, една од најголемите промени во европската безбедносна структура во последните децении.
„Нашиот став за ПКК е сосема јасен. Европската унија ја смета групата за терористичка организација, со што се согласува и Шведска. Шведска не е и нема да биде рај за терористите. Властите интензивно ќе работат на отстранување на оние кои би можеле да бидат закана за безбедноста, а веќе има значителен број случаи кои се процесираат“, изјави Андерсон за новинарите во Брисел по состанокот со генералниот секретар на НАТО, Јенс Столтенберг, пред самитот на алијансата, која е закажан оваа недела во Шпанија.