Новиот пакет санкции на Европската унија против Русија главно вклучува отстапки за Унгарија, во однос на суровата нафта, работата на нафтоводот Дружба и одржувањето на метрото во Будимпешта, изјави денеска во Њујорк унгарскиот министер за надворешни работи Петер Сијарто.
Министерството соопшти дека Сијарто рекол дека и покрај доказите во изминатите три години дека санкциите на ЕУ против Русија не успеале, па дури и предизвикале штета, биле одобрени дополнителни казнени мерки со поддршка на полското претседателство со ЕУ и бирократите од Брисел кои „ја игнорирале новата реалност“, објави МТИ.
„Овој пакет санкции, сепак, вклучува отстапки за Унгарија. Успешно се боревме во 16-тиот пакет санкции, така што Унгарија сега може да користи производи направени од руска сурова нафта, преработени во рафинеријата Братислава Словнафта и увезени од Мол, што во голема мера ја подобрува енергетската безбедност на Унгарија“, рече тој.