21
Победата на кандидатот на националистичката опозиција Карол Навроцки на изборите во Полска носи „нова победа за (европските) патриоти“, изјави на Фејсбук унгарскиот министер за надворешни работи Петер Сијарто, објави Ројтерс.
Тој му честиташе на Навроцки, кој победи на вчерашниот втор круг од претседателските избори со 50,89 проценти од гласовите, според Полската изборна комисија, врз основа на 100 проценти од преброените гласачки ливчиња.
Изборната комисија соопшти дека Навроцки освоил 50,89 проценти од гласовите, или 10.606.628 гласови, додека неговиот ривал, градоначалникот на Варшава, Рафал Чашковски, освоил 49,11 проценти, или 10.237.177 гласови, објавија полските медиуми.