Култната анимирана серија „Симпсонови“ неколку пати предвидуваше светски настани, а многу фанови на ова семејство се убедени дека нивните автори успеале да ја предвидат руската инвазија на Украина.
Имено, набргу по објавувањето на веста за почетокот на конфликтот во Украина, љубителите на анимираните ликови на социјалните мрежи споделија епизода во која на некој начин е „предвиден“ конфликтот.
Во него, Хомер случајно го отпушта капетанот на подморница во руските води за време на воена вежба, што го поттикна новообновениот Советски Сојуз да распореди војници и тенкови на улиците и веднаш да го оживее Берлинскиот ѕид.
Ал Џин, еден од продуцентите на серијата, на Твитер потврди дека има очигледни паралели меѓу споменатата епизода и актуелните настани во овој регион.
I think The #Simpsons predicted the Crisis of #Ukraine & #Russia way before only #UkraineConflict #UkraineRussia pic.twitter.com/NFa3oUB5PX
— Pradeep Kumar K (@its_Pradeep96) February 24, 2022
„Многу сум тажен што можам да кажам дека ова не беше тешко да се предвиди“, коментира тој на Твитер.
„Мразам да зборувам за тоа, но јас сум роден во 1961 година, па поминав 30 години од мојот живот со Советскиот Сојуз. За мене, за жал, ова е повеќе норма отколку предвидување. Само мислевме дека работите ќе тргнат погрешно“, објаснил Џин во интервју за „Холивуд Репортер“.
Да потсетиме, авторите на „Симпсонови“ постојано успеваат да ги предвидат идните настани. Покрај исходот од Суперболот, честопати успеваа да „погодат“ и развој на политички конфликти ширум светот.