Синот на Доналд Трамп, Доналд Трамп помладиот бил во Белград, објавија од порталот „Блиц бизнис“.
Во хотел во строгиот центар на Белград го придружуваа бизнисмени и луѓе од деловниот свет, претставници на бизнис елитата од Романија, каде што ќе ја продолжи посетата. Меѓу познатите бизнисмени бил и Деско Никитовиќ, претседател на Надзорниот одбор на валавницата за бакар Севојно.
„Тоа беше пријатна и конструктивна средба. Веќе имаме традиционално блиски односи со Трамп и неговата администрација, како и со поранешниот пратеник Ричард Гренел. Доналд Трамп помладиот си замина задоволен. Како што ни кажа, очекува соработката со Србија да биде на подигната на поголемо ниво, за што ќе се ангажира лично“, изјави Деско Никитовиќ за нашиот портал.
Доналд Трамп Јуниор е извршен потпретседател на Организацијата Трамп и ја води компанијата заедно со неговиот помлад брат Ерик. Нивната компанија работеше со странски влади во периодот кога нивниот татко Доналд Трамп беше претседател на САД, што наиде на неодобрување во американската јавност.
Трамп Џуниор активно учествуваше во претседателската кампања на неговиот татко во 2016 година, кога се сретна и со руски адвокат кој вети штетни информации за кампањата на противкандидатката на Трамп, Хилари Клинтон.