Кристофер Броснан (51), син на познатиот актер Пирс Броснан (71), после долго време е виден во јавноста.
Папараците го снимиле додека купувал намирници во лондонскиот Нотинг Хил, а фотографиите брзо се прошириле на интернет.
Кристофер не е биолошки син на Пирс Броснан. Неговите биолошки родители се првата сопруга на Пирс, Касандра Харис и нејзиниот поранешен сопруг Дермот Харис. Пирс ги посвои Кристофер и неговата сестра Шарлот во 1986 година, откако Дермот почина. Пет години подоцна починала и Касандра, а потоа и Шарлот.
Сепак, Пирс и Кристофер не се во добри односи денес. Актерот се огради од посвоениот син поради неговата зависност и проблемите со законот.
„Кристофер е се уште многу изгубен. Знам каде е, има тежок живот. Можам само да верувам дека ќе се опорави. На сите во семејството им направи проблеми, но најмногу на себе. Знае како да излезе од сето ова, но тој не сака“, рече Пирс во 2005 година за зависноста на Кристофер.
Иако долго време не биле во контакт, актерот пред две години во објава за Денот на таткото го спомна Кристофер. „Мојата љубов ви излегува засекогаш, драги мои синови Парис, Дилан, Шон и Кристофер. Ви благодарам многу за вашата љубов“, напиша Пирс тогаш.
Кристофер студирал филм на UCLA и на Филмската академија во Њујорк и бил член на продуцентската екипа на многу филмови на Пирс.