Додека луѓето ги напуштаат домовите, преземајќи го ризикот да се удават, пловејќи кон Европа, некои го сечат Медитеранот во спротивна насока, раскажува Bloomberg.
Ибрахим Сар се прибира назад во Сенегал, откако речиси една деценија продавал лажни чанти на Louis Vuitton на јужните брегови на Шпанија, обидувајќи се да го исполни својот сон и да започне свој бизнис.
Наместо направена стока во Кина , сепак Сар сега продава ориз и компири на пазар во источните предградија на главниот град Дакар.
“Во Африка син, кој ќе eмигрира, е судбоносниота сон на семејството. Тие мислат дека тоа ќе им стави крај на проблемите им “, вели Сар додека ги менува програмите на телевизорот. “Потребна е храброст и амбиција, за да се вратиш”.
Сар, кој има 40 години, е помалку познатиот лик на приливот на емигранти кои доаѓаат од африканските брегови кон Европа. Оваа година тие се уште повеќе и преземат уште повеќе ризици, создавајќи на крајот кризата што ја зафати целата Европска унија.
Маките на бегалците – повеќе од 2.000 лица загинаа, поминувајќи низ Медитеранот оваа година, ги натера францускиот премиер Мануел Вас во понеделникот да изјави дека Европа има потреба од фер процедури за да се справи со барателите на азил и треба да ги враќа оние дојдени од економски причини.
Парите кои праќаат дома околу 4 милион сенегалски мигранти, се живот за цели семејства до ниво средна класа – дознаките ја надминуваат помошта или директните странски инвестиции. Официјалните трансфери се зголемија повеќе од двојно од 633 милиони солари пред десет години до 1,4 милијарди долари минатата година, што претставува 12% од бруто домашниот производ (БДП). Реалната сума, вклучувајќи пликови со пари кои се пренесуваат преку познати, најверојатно е два пати поголема, се приближува до 3 милијарди долари, покажуваат податоците на владата.
Во цела суб-сахарска Африка официјалните трансфери однадвор достигнаа 33 милијарди долари минатата година, тврди Светската банка. Овие средства се од витална важност за многу од регионалните економии, вклучувајќи Гамбија, Либерија, Сомалија и Нигерија.
Економскиот раст на Сенегал кој е предвиден за 5,4% оваа година, може да се претвори во причина уште луѓе да заминат, бидејќи современите симболи на богатството на средната класа, како iPhone и таблети Samsung, се шират до најоддалечените делови на земјата.
Во исто време “значителен прилив” на работници се насочува назад до дома по неколку години во Европа, особено кога изгледите им се добри, покажа истражувањето на британската истражувачка програма Migration Between Africa and Europe. Тешкито живот во Европа и разделбата со семејството исто враќа назад многу емигранти.
Примателите на парите на емигрантите обично се сопруги и мајки кои купуваат прехранбени производи и плаќаат школарината и медицинско осигурување, тврди Population Reference Bureau. Имигрантите купуваат и земјиште и градат куќи, а освен тоа помагаат за изградба на џамии и болници во своите родни домови, тврди Папе Диоп, началник на агенцијата за сенегалците во странство при Министерството за надворешни работи.
“Трансферите се Божји дар за нас, но ние сакаме мигрантите да ги зголемат инвестициите во земјоделството, рибарството и одгледување на добиток, кои генерираат повеќе приходи од изградбата на џамии”, вели Диоп. “Ги охрабруваме и високо квалификувани сенегалци во странство да се вратат и да ја споделат својата експертиза”.
Владата има неколку кредитни програми за потенцијалните мигранти кои ќе се вратат назад, а во јуни беше претставена и новата стратегија за подобра употреба на парите и вештините на сенегалците во странство, додава Диоп.