Познатата Џенифер Лопез ги има близнаците Максимилијан и Ема со поранешниот сопруг, пејачот Марк Ентони.
Како што еднаш призна и самата, пејачката на почетокот имала големи проблеми да најде дадилка за своите деца.
„Не можете да замислите како е да се биде мајка додека не станеш мајка. Порано им давав совети на пријателите кои имаа деца цело време, а тие ме гледаа како да имам три глави. А потоа, кога ги добив двајцата, буквално им се извинив на сите мои пријатели“, изјавила таа своевремено, пренесува „yourtango“.
Како што навел извор близок до Лопез, првата дадилка што таа и Марк ја вработиле дала отказ по само една недела.
„Обично луѓето кои заработуваат огромни суми на пари и имаат многу професионални и социјални обврски ангажираат дадилка за секое дете, особено за новороденчиња. Но, како Џенифер да очекувала дека дадилката не само што треба да се грижи за близнаците, туку треба и да работи 16 часа на ден, седум дена во неделата“, изјавил извор за „Today“, објави споменатиот медиум.
Меѓутоа, истото се случило и со втората дадилка.
„Тие најмија друга дадилка која беше прекрасна со близнаците, но таа не можеше да работи толку долги часови без пауза. По отказот на дадилката, парот почна очајно да бара трета дадилка“, додал тогаш изворот.
Самата Џенифер пред неколку години истакна дека нејзината работа многу влијае на времето што го поминува со своите деца.
„Мојот син неодамна ми рече: Мамо, би сакал да закажам пикник со тебе оваа недела, бидејќи знам дека работеше напорно. Беше со мене во Њујорк, но сепак ми рече: Хм, би сакал да закажам пикник за следниот петок, бидејќи ни треба повеќе квалитетно време. И јас му кажав: Во ред, душо“, навела Џенифер.