Ситуацијата на бегалците станува алармантна

СиЕнЕн како неподнослива ја опишува ситуацијата на бегалците кои се „заглавени“ на границата меѓу Македонија и Грција. „Убијте не или помогнете ни“ е една од изјавите пренесена од светскиот медиум во контекст на нехуманиот однос на државите. Како пример за револтот предизвикан кај бегалците СиЕнЕн го посочува неколкудневниот протест на Иранците кои ги зашија усните со игла и конец.

СиЕнЕн го потенцира и случајот со  претепаниот бегалец од страна на  граничната стража распределена на појасот Турција – Сирија.  Медиумот не ја поштеди ниту политиката на Шведска која најави „затворање на вратите“ за бегалците.

Во анализата, се напоменува дека последните случивања во Париз ја засенија состојбата со бегалците која станува алармантна.